Atlantikup Avannaani Suleqatigiiffik

NORA (Atlantikup Avannaani Suleqatigiiffik) tassaavoq Nunani Avannarlerni Ministerit Siunnersuisoqatigiiffiata ataani suleqatigiiffiusoq.

Nunat suleqataasut tassaapput Kalaallit Nunaat, Island, Savalimmiut kiisalu Norge-p sineriaani inoqarfiit (sinerissami kommunit avanaani Finnmark-imiit kujataani Rogaland-imut). NORA-mi suleqataasut akornanni ungasissuseq annertugaluartoq nunat tamarmik pigisaminnik ilisarnaateqarput, assigiiaartunik unammilligassaqarput, taamatullu oqaluttuarisaanermikkut, naalakkersuinikkut kiisalu aaqqissuussisimanermikkut kulturikkullu attaveqaqatigiinnermikkut ataatsimoorfeqarlutik.

Aningaasarsiornikkut nukittuutut piujuaanartitsutullu ilisarnaaserlugu Atlantikup Avannaa nunat avannarliit akornanni nukittorsarnialugu, NORA nunarsuup immikkoortuani suleqatigiinnerup tamakkiisumik nukittorsarnissaani tapertaaqataassaaq. Tamanna nunat killeqarfii akimorlugit inuussutissarsiutinik ingerlatsisut, taamatullu ilisimatusarnikkut ineriartortitsinikkullu aallussaqartut akornanni suleqatigiinnerup nukittorsarneratigut ilaatigut pisinnaavoq.

NORA Nunani Avannarlerni Ministerit Siunnersuisoqatigiiffiannit aningaasalersorneqarpoq, tassungalu ilaallutik nunat suleqataasut sisamat tapiissutigisartagaat. NORA-mi siulersuisut aqqaneq marluusut pingasukkaarlutik nunanit suleqataasuneersuupput, taakkulu NORA-p siunissaq tunaartaralugu pilersaarutaani pingaarnerusumik aalajangersuisartuupput.

NORA-p qitiusumik allaffeqarfia Savalimmiuni Tórshavn-imi inissisimavoq. Nunani allani - Kalaallit Nunaanni, Island-imi, Norge-p kitaani avannaanilu allaffeqarfiit inunnit sisamanit attaveqaataasunit inuttalerneqarsimapput

PROJEKTER
Atuaruk
VENTURE
Atuaruk
INNOVATION
Atuaruk
HOLDING
Atuaruk
GREENLAND BUSINESS · A/S Boks 608 · 3900 Nuuk · Grønland · Tlf: +299 342880 · Email: Info@greenlandbusiness.gl · GER: 12 65 24 61
;